Қарағанды облысында үшем өмірге келді
Қарағанды облысында көпбалалы ана үшемді өмірге әкелді. Аяла, Айым, Сезім есімді қыз балалар өмірге келді.
“Жылдың басы осындай қуанышты жаңалықпен басталды. Қазір анасы мен балалардың жағдайы жақсы. Сәбилер өзін жақсы сезінеді”, – дейді облыстық денсаулық сақтау басқармасының баспасөз қызметі.34 жастағы Жайрем кентінің тұрғыны үшемнің анасы атанды. Дәрігерлер балалардың ЭКО-сыз табиғи жолмен өмірге келгенін айтты. Ботагөздің үшемнің алдында тұңғышы бар.
Жүктілік қалыпты өтті. Мерзімінде өмірге келді. Үлкенінің салмағы 1 келі 800 грамм, екіншісі 1 келі 765 грамм, үшіншісі 1 келі 640 грамм болды. Бойлары 44-43 см.
Перинатарлық орталықтың қызметкерлері барлық жағдайды жасап жатыр.
“Қазір сәбилер анасының қасында. Балалар тез өсуі үшін анасының жанында болғаны жақсы. Осылайша тез салмақ қосады”, – дейді дәрігерлер.
Ана мен балалардың қашан үйіне шығарылатыны белгісіз. Сәбилер қалыпты жағдайға жеткенше, шығатын болады.
Stan.kz
