Астанада алдағы демалыс күндері күн райы құбылмалы болады. Синоптиктердің болжамынша, елордада бұлтты ауа райы сақталып, түнде үсік жүреді, деп хабарлайды Egemen.kz. 13 наурызда қалада күн бұлтты болады. Күндіз ауа температурасы -1°C шамасында болса, түнде -4°C-қа дейін суытады. Оңтүстік-батыстан соғатын желдің екпіні 11 м/с-қа дейін жетуі мүмкін. 14 наурызда аспанды бұлт торлайды, бірақ жауын-шашын күтілмейді. Сынап бағаны күндіз – 0°C, түнде – -3°C. Ал 15 наурызда елорданы тұман басады деп болжанған. Күндіз де, түнде де температура нөл градус айналасында (түнде -3°C-қа дейін) сақталады. Еске сала кетейік, кеше Қазақстанның басым бөлігінде боран соғып, қар жауды.