Көші-қон қызметінің қызметкерлері Абай облысына қарасты Бородулиха ауданы тұрғынының қос азаматтығы бар екенін анықтаған, деп хабарлайды Egemen.kz.
Ведомствоның баспасөз хабарламасында: «Сот қаулысы бойынша, құқық бұзушы ҚР ӘҚБтК-нің 496-бабы екінші бөлігі бойынша Қазақстан Республикасынан шығару түріндегі әкімшілік жауапкершілікке тартылды», делінген.

Облыстық полиция департаментінің мәлім етуінше, осы жылы РФ-ның азаматтығын алып, Қазақстан азаматтығының күшін жойғанын рәсімдемеген 54 жастағы ер адамды құқық қорғау органдары әшкерелеген.

Полицейлер көші-қон заңнамасы бойынша елімізде қос азаматтыққа жол берілмейтінін ескертеді.