Жиделіарық ауылдық округіндегі мал түрлерін қытымыр қыстан күйлі алып шығу үшін 4,5 мың тонна шөп жиналуы тиіс. Осы орайда айлар бөлінісіндегі мал азығын жинаудың бекітілген жоспары ойдағыдай жүзеге асуда. Мәселен шілде айында елді-мекен тұрғындары 1,4 мың тонна шөп қорын әзірлеп үлгерген. Бұл көрсеткіш жоспардың 31 процентке орындалғандығын байқатып отыр. Тұрғындар ағымдағы жылдың тамыз, қыркүйек, қазан айларында жиыны 3,1 мың тонна шөп жинап, тиісті межені жоспарға сай еңсеруге жұмыс жасауда.