ҚМДБ-ның Қызылорда облысы бойынша өкілдігі, Жастар ісі секторының ұйымдастыруымен жас жамағат облыстық Жастар ресурстық орталығында қонақта болды.
Облыстық Жастар ісі секторының жетекшісі А.Жексенов бастаған қала мешіттерінде білім алушы жамағат алдымен орталықты аралап, тыныс-тіршілігімен танысып шықты.
Орталықта өткен кішігірім саяхат «Кітап құрттары» ұйымының мүшелерімен кездесуге ұласты. Кездесуде әрбір адамның тұлғалық даму үрдісіндегі кітап оқудың маңыздылығы, қазіргі заман әдебиеті, кітап оқудың оңтайлы әдістері мен қызығушылықты арттыру жолдары жайлы мағыналы әңгіме, салмақты сұхбат жүргізілді.