Жуырда Мемлекет басшысы Қасым-Жомарт Тоқаев Үкіметке пандемияның статистикасын ашық жариялауды міндеттеген болатын.
Президент тапсырмасына сәйкес енді пневмониямен ауырғандар КВИ жұқтырғандардың статистикасына енгізілетін болды. Бұл туралы ҚР Денсаулық сақтау министрі Алексей Цой мәлімдеді.

– Коронавирус пен пневмония бойынша мәліметтердің ашықтығын барынша қамтамасыз ету үшін Денсаулық сақтау министрлігі статистикалық мәліметтерді тіркеу және ақпараттандырудың жаңа амал-әдістерін айқындады. ДДСҰ-ның Еуропалық бюросы жүргізген техникалық кеңесті есепке ала отырып, біз КВИ жағдайларын кодтау мен тіркеуде халықаралық аурулар квалификациясының жаңа кодына өту туралы шешім қабылдадық, – деді Алексей Цой.

Осылайша, COVID-19 ауруының зертханалық тұрғыда дәлелденген жағдайлары – ПТР тест теріс нәтижелі болса да, COVID-19 клиникалық және эпидемиологиялық белгілерімен ұқсас пневмония жағдайымен теңестіріледі.

Айта кетейік, бүгінге дейін елде коронавирус індетін 72 мыңға жуық адам жұқтырған. Оның 43401-і жазылып шықса, 585 адамды індет жалмады. Сондай-ақ 1 қаңтар мен 15 шiлде аралығында Қазақстанда 234 мың адам пневмонияға шалдыққан. 3 327 адам осы індеттен көз жұмды.

Тамыз айының алғашқы күнінен бастап пневмониямен коронавирус дертін жұқтырғандар бірге есептелгенде бұл цифрлар едәуір артатыны белгілі.