Өскен өңір Osken-onir.kz ақпараттық агенттігі
» » СУ ДОБЫНАН ҚАЗАҚСТАН ӘЙЕЛДЕР КОМАНДАСЫ РЕСЕЙ КУБОГІН САРАПҚА САЛАДЫ

СУ ДОБЫНАН ҚАЗАҚСТАН ӘЙЕЛДЕР КОМАНДАСЫ РЕСЕЙ КУБОГІН САРАПҚА САЛАДЫ

27 сәуір күні су добынан әйелдер командалары арасында Ресей кубогінің финалдық кезеңі басталады. Аталған сынға қатысу үшін Қазақстан командасы 21 сәуір күні Ресейге ұшып кетеді деп хабарлайды Olympic.kz
Бұл туралы құраманың бас бапкері Алан Балфанбаев мәлімдеді. 

«Қазіргі таңда команда мүшелері Тараз қаласында оқу-жаттығу жиынын өткізуде. 21 сәуір күні дайындықтың соңғы кезеңін өткізу үшін Златоустқа ұшып кетеміз. Ресей кубогі аяқталған соң, елге оралып, жаттығуды жалғастырамыз.  Маусының 15-30 аралығында Ресей ұлттық құрамасымен бірлескен жиын өткізуді жоспарлап отырмыз. 2020 жылдың ақпан айында олимпиада ойындарына аймақтық іріктеу турнирі біздің елімізде өтеді. Сол сында лицензияға таласатын боламыз», - деді Балфанбаев. 

Еске сала кетейік, су добынан Ресей кубогін үздік сегіз команда сарапқа салады. Сондай-ақ, су добынан әйелдер құрамасы 12-28 шілде күндері Кванджуда өтетін әлем чемпионатына қатысады. 

 Авторы: Серик Мусагалиев
18 сәуір 2019 ж. 896 0