Қытайда CR450 жүрдек пойызының прототипі таныстырылды. Көліктің жылдамдығы 450 км/сағ жетеді, деп жазады   Egemen.kz  Қытайдың Синьхуа ақпараттық агенттігіне сілтеме жасап. Қытай темір жолдары компаниясының түсіндіруінше, CR450 пойыздары 400 км/сағ жылдамдықпен жүреді. CR450 Қытай темір жолының технологиялық инновация деңгейін және технологиялық қамтамасыз ету қабілетін айтарлықтай арттырып, Қытайдың әлемдегі жоғары жылдамдықты теміржол технологиясы бойынша артықшылығын одан әрі күшейтетіні аталып өтті.

Қытайда пайдалануға берілген темір жолдардың жалпы ұзындығы 2024 жылы  47 мың шақырымға жетті, 2300 шақырым жаңа темір жолдар пайдалануға берілді.