Түркияда су тасқынынан 13 адам қаза тапты

Шанлыурфа провинциясында нөсер жаңбыр жауып, сел жүрді. Оқиға салдарынан қаза тапқандар саны он үш адамға жетті, деп хабарлайды Egemen.kz.

14 наурызда Түркияның оңтүстік-шығысындағы Шанлыурфа провинциясында жаңбыр салдарынан сел жүрді.
«Әкімшілік орталықтағы ауруханалар, үйлер мен жолдарды су мен лай ағындары басып қалды. Құтқарушылардың айтуынша, бес адамның мәйіті бір үйдің жертөлесінен табылды», деп жазды  Andolu Agency.
Ел билігі таратқан ресми ақпаратқа сүйенсек, 13 адам қаза тапқан.