Соңғы 2 аптада Еуропаның 33 елінде коронавирус жұқтыру деңгейі күрт көтерілді, деп хабарлайды «Хабар 24». Бұл туралы Дүниежүзілік денсаулық сақтау ұйымы Еуропалық бюросының директоры Ханса Клюге мәлімдеді. Оның айтуынша, тағы бір алаңдататын мәселе – екпе салдыру ісінің баяу жүріп жатқандығы. Осыған байланысты ковидтен көз жұмғандар қатары да артып барады. Болжам бойынша, қысқа қарай аталған індеттен 230 мыңнан астам адам көз жұмуы мүмкін. Сарапшылар коронавирустың өршуіне «Дельта» штамының тез таралуы басты себеп дейді. Сондай-ақ мутацияның белең алуына шектеулердің жеңілдеуі мен жазғы демалыстар да қолайлы жағдай туғызған.

​https://24.kz​​​