Ғалымдар кәрілікпен күресудің тиімді жолын тапты
Қытай ғалымдары организмнің қартаюына ықпал ететін генді тапты. Бұл жайында islam.kz порталы Федералды жаңалықтар агенттігіне сілтеме жасай отырып мәлім етеді. Ғалымдар бұл тарапта жасушаларды жасарту тәжірибесін жүргізіп көрді. Дәлірегі, тышқанның kat7 генетикалық тізбегіне әсер ету арқылы жүргізілді. Нәтижесінде қартаюдың кей процестері тоқтаған. Яғни, генетикалық терапияға ұшыраған кеміргіштің өмір сүру ұзақтығы 25%-ға артқан. Бұдан бөлек, тышқанның қимылы ширап, белсенділік танытқан. Келесі кезекте бұл бағыттағы тәжірибе маймылдарға жүргізіледі. Егер нәтижесі оңды шықса, адамдарды сынап көреді. Алайда, адамдарға тәжірибе процедураның қауіпсіздігі 100% болғанда ғана жүргізілмек.
