Мысырда тілі алтыннан жасалған мумия табылды

Археологтар көне мысырлық мумияны тапты, деп хабарлайды «Хабар 24». Бір қызығы оның тілі алтыннан жасалған. Олжа мамандардың Тапосирис-Магна атты көне қонысты зерттеуі кезінде анықталды.  Ақпарат көздерінің хабарлауынша, жартаста мумиялар жерленген ежелгі мола табылған. Сарапшылардың пайымдауынша, алтыннан жасалған тіл мәйітті бальзамдау кезінде салынған. Ғалымдар бұл қабірге 2 мыңнан астам уақыт болғанын айтады. Сондай-ақ бұл аймақта жақсы сақталған өзге де көне  заттар мен  жәдігерлер  табылды.

www.24.kz