ӘЗЕРБАЙЖАНДА НАУРЫЗ МЕРЕКЕСІНЕ ДАЙЫНДЫҚ БІР АЙ БҰРЫН БАСТАЛЫП КЕТТІ.
Ұлыстың ұлы күніне дейін әзербайжандар төрт чершенбені (мейрам қарсаңындағы сейсенбі): су чершенбесін, от чершенбесін, топырақ чершенбесін және соңғы чершенбені тойлайды. Алғашқы чершенбе 2018 жылы 27 ақпанға тура келеді. Халық наным-сенімі бойынша, су чершенбесінде су «оянады», мұз қатқан су атаулының барлығы еріп, қозғала бастайды. Кейінгі чершенбелерде от және жер оянады. Соңғы чершенбеде ағаш бүршік жарып, көктем келеді. Әзербайжандар су чершенбесінде үйін сумен жуып-шайып, өздері де ең жақын жердегі ағын суға барып, шомылу қажет деп санайды. Ал өзенге секіру өткен жылғы қиындықтардан арылтады.
