Нұр-Сұлтан, BAQ.KZ. Әскери ұшақ Пәкістанның солтүстік-шығысында апатқа ұшырап, 19 адам қаза тапты. Бұл туралы РИА Новости хабарлады.

Жергілікті БАҚ өкілдерінің хабарлауынша, ұшақ әскери авиацияға тиесілі. Ұшақ 30 шілде күні Равалпинди қаласында түнгі оқу-жаттығу кезінде апатқа ұшыраған. Құлаған сәтте өрт шығып, бірнеше үйді шарпып кеткен. Апат неден болғаны айтылмаған. Қаза тапқандардың ішінде екі ұшқыш пен үш экипаж мүшесі бар. 16 адам жарақат алған. Қаза тапқандардың арасында жергілікті тұрғындар да бар. Зардап шеккендер ауруханаға жеткізілген.