АҚШ пен Еуропалық Одақ ұялы байланыстың жаңа 5G түрін жасап шығару мәселесін талқылады, деп хабарлайды Baq.kz ақпарат агенттігі kapital.kz сайтына сілтеме жасап.
АҚШ делегациясы мен Еуропалық Одақ жаңа технологиялар жасап шығару саласындағы серіктестік пен ұялы байланыстың жаңа 5G атты түрін жасап шығару мәселелерін қарастырды. Бұл келіссөздер бірнеше раундқа созылады.
Екіжақты диалогтың кезекті раунды 1 ақпан күні өтті. Еуропа АҚШ-ты Еурокомиссия үшін маңызды цифрлық технологияларды дамыту мақсатында қандай шараларды қолға алғандарынан хабардар етті. Ал АҚШ тарапы өз кезегінде бұл салада қандай бастамаларды қолға алғандығын айтып өтті.

«Киберқауіпсіздік, 5G форматы, телекоммуникация саласындағы регулятивтік нормалар мәселелері қарастырылды», — делінген хабарламада.