Қан қысымы жоғары адамдар үшін тиімді тағамдар.
Британиялық диетологтар қан қысымы жоғары адамдар үшін пайдалы өнім ретінде моцарелла ірімшігін атады.
Сарапшылар сүт өнімдері кальцийге бай, бірақ олардың кейбірі өте майлы, ал екінші бірінде тұз көп екенін айтады. Диетологтар моцарелла ірімшігінде тұз және май аз болғандықтан, қан қысымы жоғары адамдарға осы тағамды жиі пайдалануға кеңес береді.
Сонымен қатар, мамандар қан қысымы жоғары адамдарға ақ ірімшіктің фета түрі мен ешкі сүтінен жасалған ірімшікті ас мәзіріне қосуға кеңес береді. Тағы қан қысымын төмендетуге майсыз сүзбе де көмектеседі дейді мамандар.
