Назарбаев: Байқоңыр — ғарышқа адамдарды ұшыруға арналған ең үздік ғарыш айлағы
ҚР Президенті Нұрсұлтан Назарбаев Байқоңырды ең үздік ғарыш айлағы деп атап өтті, деп хабарлайды Baq.kz ақпарат агенттігі.
Елбасының Байқоңыр туралы айтқанын ҚР Президентінің Телерадиокешені instagram парақшасында жариялады.
«Байқоңыр — ғарышқа адамдарды ұшыруға арналған ең үздік ғарыш айлағы саналады. Ең бірінші, экватор бойынша барлығы есептелген. Осы жерден ең ауыр жүктер ғарышқа ұшырылады. Адамның ғарышқа ең жылдам жетуі де осы жерден жүзеге асырылады. Ауқымды зерттеу жұмыстарының нәтижесінде осы алаң таңдалды», - дейді Нұрсұлтан Назарбаев.«Қалай ойлайсыздар, бұл туралы Илон Маск біле ме?», - деп жазылған видео жарияланған парақша мәтінінде.
Baq.kz сайты
