Төтенше жағдай қызметі бір күнде Ақмола облысының алты бірдей ауданындағы дала өртін сөндіруге күш салды, деп хабарлайды BAQ.KZ. Кеше Ақкөл, Зеренді, Шортанды, Есіл, Астрахан және Атбасар аудандарында құрғақ шөп пен қамыс жанған. Өрт шалған аумақ 33 гектар.

Төтенше жағдайлар қызметі жергілікті атқарушы органдар, "Қазавиаорманқорғау" бірлескен күштері және ерікті жасақтардың арқасында 6 бірдей ауданда өртті сөндіргенін хабарлайды. Қазір қауіп сейілген. Осыған байланысты Төтенше жағдайлар қызметі азаматтардан өрт қауіпсіздігі ережелерін сақтауды сұрайды.