«Қазақстанның басым бөлігі атмосфералық фронтальды бөліктердің ықпалында болады. Осыған байланысты шығыста, түнде Қарағанды облысында, Абай, Жетісу облыстарында жауын-шашын, шығыста, оңтүстік-шығыстың таулы аймақтарында қатты жауын-шашын (жаңбыр, қар) жауады», деп атап өтті синоптиктер.

Республика бойынша жел күшейіп, күн күркірейді, оңтүстік-шығыста бұршақ жауады, оңтүстік-батыста шаңды дауыл соғады, солтүстік-батыста тұман түседі. Қарағанды облысында, Шығыс Қазақстан облысының солтүстігінде, шығысында, батыста, солтүстікте, Абай облысында 1-3 градус аяз күтіледі.

Маңғыстау облысының басым бөлігінде, оңтүстігінде, Атыраудың шығысында, батысында, оңтүстігінде, Қызылорданың орталығында, Түркістанның солтүстігінде, Абай облысының оңтүстігінде, Қарағанды, Ақтөбе облыстарының оңтүстігінде жоғары өрт қаупі сақталады.