Елордада жас жұбайлар алаңы ашылды. Алаңның ашылу рәсімінде бірнеше жұп ресми түрде неке қидырып, ағаш отырғызды, деп хабарлайды Egemen.kz Астана әкімдігінің ресми сайтына сілтеме жасап. Ерекше алаң «Таза Қазақстан. Астана – тазалық пен тәртіптің үлгісі» ауқымды экологиялық акция аясында ашылды. Елорда әкімдігі Астананың барлық жұбы осы скверде неке қиюға болатынын айтты.
«Бұл алаң ерлі-зайыптылар балаларын осында әкеліп, бір кездері өз қолдарымен отырғызған ағаштарын көрсетуі үшін ұрпақтар сабақтастығының символына айналуы керек. Бұл акцияның тағы бір тұсы, менің ойымша, мұнда ағаш отырғызған адамдар бұл қалаға ешқашан зиян тигізбейді. Сондай-ақ олар өз отбасыларында қарым-қатынас орнатады», деді Нұра ауданы әкімінің орынбасары Әлия Әбсеметова.  Сондай-ақ, ерлі-зайыптылар саябақтағы арнайы киіз үйге бақытты күннің естелігі ретінде  құлыптар мен таспаларды бекіте алады.