Алдағы үш күнде қар жауып, көктайғақ болады
«Қазгидрометтің» мәліметінше, 16-18 наурыз күндері ауа райы құбылмалы болады.
Республиканың батысында, солтүстік-батысында және оңтүстігінде атмосфералық қысымның жоғарылауына байланысты жауын-шашынсыз ауа райы сақталады.
Орталықта, республиканың солтүстігінде, шығысында және оңтүстік-шығысында атмосфералық фронт әсерінен жауын-шашын, қар күтіледі.
16 наурызда күндіз оңтүстікте, Алматы облысының таулы аймақтарында, 17-18 наурызда республиканың шығысында, оңтүстік-шығысында қатты жауын-шашын, көктайғақ, қар, жел, тұман күтіледі.
Ауа температурасы айтарлықтай өзгермейді. Тек қана республиканың оңтүстік-шығысында ауа температурасы түнде 0-8 градус аязға дейін, күндіз 0-7 градусқа дейін біртіндеп төмендеуі мүмкін.
