Әлімханұлы WBO титулына жекпе-жек туралы мәлімдеме жасады
Жәнібек Әлімханұлы (11-0, 7 КО) орта салмақта WBO "уақытша" чемпионы атағы үшін мексикалық Хайме Мунгиямен (39-0, 31 КО) болатын айқасқа қатысты мәлімдеме жасады, - деп хабарлайды Vesti.kz тілшісі.
WBO ұйымы боксшыларға келісімге келу үшін он күн уақыт берген еді. Егер командалар келісе алмаса, промоутерлік сауда белгіленеді.
"Он күн өтті. Жаңалық күтіп жатырмыз, мұны ұйымдастырайық. Қазақ стилі мексикалыққа қарсы. Жанібек vs. Мунгия!", - деп жазыпты Әлімханұлы "Твиттерде" промоутері Боб Арумды, Top Rank компаниясының өкілі Карл Моретти, менеджер Эгис Климас және WBO президенті Франсиско Валкарсельді белгілеп.
