Бәрінің көргенін күте алмаймын: Головкин Криштиану Роналдумен түскен суретін жариялады
BAQ.KZ. Отандық боксшы Геннадий Головкин Италияның Турин қаласында "Ювентус" командасының және Португалия құрамасының шабуылшысы Криштиану Роналдумен кездесті.
Бүгін досым Криштиану Роналдуды көріп, уақытты жақсы өткіздім! DAZN-мен әріптестіктің арқасында қызықты жоба бар. Енді оны елдің бәріне көрсеткенше асықпын, - деп жазды Головкин Криштиану Роналдумен түскен суретінің астына.
GGG Криштиануға өзінің есімі жазылған бокс қолғабын сыйласа, атақты футболшы өз кезегінде қазіргі кезде ойнап жүрген "Ювентус" командасының 7-нөмірлі жейдесін тарту етті.
Өз кезегінде Роналду да инстаграм парақшасына Головкинмен түскен суретін жариялады.
