Нұр-Сұлтан, BAQ.KZ. Қазақстандық Дмитрий Баландин америкалық Индианаполисте өткен FINA Champions Swim Series-тің үшінші кезеңінде 200 метрге брасс әдісімен жүзуден күміс медаль еншіледі. Бұл туралы 24kz сайты хабарлайды.

Олимпиада чемпионы қашықтықты 2 минут, 10,02 секундта жүзіп өтті. Ол жеңімпаз болған ресейлік Антон Чупковтан 1,04 секундқа қалып қойды. Жарыстың қола медалін Нидерланды өкілі Арно Камминга еншіледі. Естеріңізге салсақ, Будапештте өткен екінші кезеңде Баландин қола медаль жеңіп алған болатын.