Өскен өңір Шиелi аудандық қоғамдық-саяси газет
» » Қызылорда облысының туристік әлеуеті артып келеді

Қызылорда облысының туристік әлеуеті артып келеді


Kyzylorda-news.kz. Қызылорда облысының «Аймақты туристендіру» картасына 3 жоба еніп отыр, деп хабарлайды «Хабар 24».
  Ол – Жаңақорған шипажайы, Байқоңыр ғарыш айлағы және Қамбаш көліндегі демалыс орны. Қамыстыбас көлдер жүйесіндегі туристік жобалар қазір Арал ауданы экономикасының негізгі саласына айналып келеді. Мәселен өткен жылғы тынығу маусымында Қамбашта орналасқан жүзге жуық кәсіпкерлік нысаннан жергілікті бюджетке 16 миллион теңге табыс түскен. Одан бөлек жүз шақты адам тұрақты жұмыспен қамтылды. Жалпы «Батыс Еуропа - Батыс Қытай» автодәлізі бойында орналасқандықтан, салқын сабатты көлдің туристік тартымдылығы артып келеді. Әлемнің төрт бұрышынан Байқоңыр ғарыш айлағына ағылған саяхатшылардың көбісі осы Қамбашқа ат басын бұрмай кетпейді. Отандық 7 туроператор бүгінде алып космодромнан бөлек Қорқыт ата кесенесі мен Қамбаш көліне де туристік бағыт ашып отыр.
«Бұл жерде агротуризм, этнографиялық, тарихи туризмді қозғаймыз. Ақпараттық қызметтер де көрсетіледі. Жергілікті тұрғындар атпен, түйемен, қайықпен де серуендетеді. Және көлдің ерекшелігі емдік қасиеті бар. Соған байланысты келетін адамдар, демалушылар жылдан жылға көбеюде. Болашақта ауылға газ келсе, қыстық туризмді дамытуға мүмкіндік болады», - дейді «Қамыстыбас» ауылшаруашылық өндірістік кооператив төрағасы Алдаберген Исаев.

 
«Логистика тиімді, қолайлы деп айтуға болады. «БЕ-БҚ» халықаралық көлік дәлізі үстімен өтіп жатыр. Әрбір жолаушының тынығып кетуіне қолайлы жағдайлар жасалып жатыр. 2015-2016 жылы Арал ауданы үстімен Сексеуіл-Жезқазған теміржолы өтті. Осы жол қатынасы да аудан экономикасына үлкен септігін тигізуде. Туристердің де келіп, қатынауына қолайлы жағдай болып тұр», - дейді Арал ауданының әкімі Мұхтар Оразбаев

08 маусым 2019 ж. 146 0

Қоғам

PDF нұсқалар мұрағаты

№72 (8723)

17 қыркүйек 2019 ж.

№71 (8722)

14 қыркүйек 2019 ж.

№70 (8721)

10 қыркүйек 2019 ж.

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам