Қазақстанда коронавирус инфекциясын жұқтырғандардың жағдайы мен пневмония анықталғандар бойынша ақпарат жаңарды, - деп хабарлайды Tengrinews.kz тілшісі COVID-19 таралуына жол бермеу жөніндегі ВАК өкілдеріне сілтеме жасап. 
8 сәуірдегі мәлімет бойынша, 29 655 адам короновирус инфекциясынан (28 794 КВИ+ және 861 КВИ-) емделіп жатыр, олардың ішінде 10 828 пациент стационарда, 18 827 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
• 522 адамның жағдайы ауыр;
• 151 пациенттің жағдайы өте ауыр;
• 87 науқас жасанды тыныс алдыру аппаратында жатыр.
COVID-19 белгілері бар пневмониямен сырқаттанушылар жөніндегі дерек
6 сәуірдегі мәлімет бойынша, 100 жаңа жағдай тіркелді, 5 жағдай өліммен аяқталған, 186 адам жазылып шыққан.
2020 жылдың 1 тамызынан бастап: науқастар саны - 51 055, өлім жағдайлары - 718, барлығы 49 476 адам сауығып шықты.