28 мамырда сағат 15.00-де Қызылорда қаласы Көркемсурет галереясында Қызылорда қаласының 200 жылдығына орай Иран Ислам Республикасының Қазақстан Республикасындағы Елшілігінің ұйымдастыруымен «Фирдоусидің Шахнамасы Тұрмағамбет Ізтілеуұлының туған жерінде» атты ирандық көрмесінің ашылуы өтеді.
Көрмеге «Шахнаме» шығармасының қазақша нұсқасы, шығарманың мазмұнын сипаттайтын картиналар, Иран жазушылары мен ақындарының орыс тіліндегі шығармалары қойылады, көрмеге келушілер Иран елінің мәдениетімен таныса алады. 
Көрменің ашылуына Иран Ислам Республикасының Қазақстан Республикасындағы Елшілігінің кеңесшісі Масуд Шейх Зейнеддин қатысады.
Көрме 2018 жылғы 6 маусымға дейін жалғасады.

Облыстық мәдениет басқармасы