Өскен өңір Osken-onir.kz ақпараттық агенттігі
» » Журналистер күні ресми бекітілді

Журналистер күні ресми бекітілді


Қазақстанда 28 маусым күні бұқаралық ақпарат құралдары қызметкерлерінің мерекесі атап өтетін болады. Үкіметтің тиісті Қаулысы жарияланды. Қазақстан Республикасы Үкіметінің Қаулысы (2019 жылғы 25 маусым №431 Нұр-Сұлтан, Үкімет Үйі) "Қазақстан Республикасындағы мерекелік күндердің тізбесін бекіту туралы" Қазақстан Республикасы Үкіметінің 2017 жылғы 31 қазандағы №689 қаулысына өзгеріс пен толықтыру енгізу туралы "Қазақстан Республикасындағы мерекелер туралы" 2001 жылғы 13 желтоқсандағы Қазақстан Республикасы Заңының 4-бабына сəйкес Қазақстан Республикасының Үкіметі ҚАУЛЫ етеді: 1. "Қазақстан Республикасындағы мерекелік күндердің тізбесін бекіту туралы" Қазақстан Республикасы Үкіметінің 2017 жылғы 31 қазандағы №689 қаулысына (Қазақстан Республикасының ПҮАЖ-ы, 2017 ж., №53, 343-құжат) мынадай өзгеріс пен толықтыру енгізілсін: көрсетілген қаулымен бекітілген Қазақстан Республикасындағы мерекелік күндердің тізбесінде: мынадай мазмұндағы 6-1-тармақпен толықтырылсын: "6-1. Байланыс жəне ақпараттандыру қызметкерлері күні - 17 мамыр"; 16-тармақ мынадай редакцияда жазылсын: "16. Бұқаралық ақпарат құралдары қызметкерлері күні - 28 маусым". 2. Осы қаулы алғашқы ресми жарияланған күнінен кейін қолданысқа енгізіледі. Қазақстан Республикасының Премьер-Министрі А.МАМИН

Толығырақ: https://massaget.kz/mangilik_el/57661/
Материалды көшіріп басқанда Massaget.kz сайтына гиперсілтеме міндетті түрде қойылуы тиіс. Авторлық құқықты сақтаңыз
26 маусым 2019 ж. 1 589 0