Түркістан облысының Арыс қаласындағы жарылыстан кейін қалаға 100-ден аса тәртіп сақшысы жіберілді, деп хабарлайды Stan.kz ақпарат агенттігі. 

Бұл туралы Түркістан облысының әкімінің кеңесшісі Сәкен Қалқаманов Facebookжелісінде мәлімдеді.
«Арыс қаласындағы тәртіпті сақтау үшін қосымша 120 полицей жіберілді», - делінеді хабарламада. 
Полицейлер эвакуация кезінде және одан кейін қаладағы тәртіпті бақылайтын болады.
Бұған дейін Арыс қаласында жарылыс болғанын хабарлаған едік. Оқиғаға қатысты Қорғаныс министрлігі пікір білдіріп, мән-жайды түсіндірді.
Тұрғындарды көшіру үшін қалаға 40 автобус тартылды. Түркістан облысы, Шымкент қаласы әкімдігі мен ТЖК тиісті шараларды атқарып жатқанын мәлімдеді. 
Түркістан облысының әкімі Өмірзақ Шөкеев өңірде төтенше жағдай жариялады. Қала тұрғындары толықтай эвакуацияланады. 

https://stan.kz/aristagi-zharilis-kalaga-100-den-asa-policey-zhiberildi-318354/