Қарағанды облысында тұңғыш рет пантамен емдеу орталығы ашылады. Маусым айының ортасынан бастап Ақтоғай ауданындағы марал шаруашылығы адамдарды қабылдай бастамақ. Шаруашылық иесі Ержан Қадырберлин осыдан 7 жыл бұрын еліміздің Шығыс өңірінен 21 бас аналығын әкеліп, қорыққа жіберген болатын. Қазір олардың саны 100-ге жетіпті. Әр жыл сайын түз тағысының төрт-бесеуін табиғатқа жіберіп тұрады екен. Олар да қазір төлдеп, көбейіп жатыр. Марал мүйізінен алынатын панта қан аздық, жүрек-қан тамырлары ауруына, ісік жараларына және басқа да сырқаттарға мың да бір ем екен. «Соны негізге алып, болашақта өңірде туризмді дамытсақ», – дейді шаруа иесі. Осылайша Алтайдың кербез сұлу кербұғысын Ақтоғайдың мақтанышына айналдырмақ. 

Источник: https://24.kz/kz/zha-aly-tar/o-am/item/321227-ara-andy-oblysynda-al-ash-ret-pantamen-emdeu-ortaly-y-ashylady