Қытайда 120 миллион жыл бұрын өмір сүрген динозаврлардың ізі табылды

Алдын ала болжам бойынша, із бор дәуіріне жатады, деп хабарлайды Baq.kz ақпарат агенттігі aif.ru сайтына сілтеме жасап.
Халықаралық археологиялық экспедиция Қытайдың шығысында орналасқан Шаньдун провинциясынан 120 миллион жыл бұрын өмір сүрген әртүрлі динозаврлардың іздерін тапты.
Бұл – ғалымдар үшін күтпеген жағдай болды. Ғалымдар бұл жерде бұған дейін ешқандай динозаврдың сүйегі табылмағанын айтады.
Сондай-ақ, динозаврлармен қатар дейнонихтардың да ізі табылған. Археологтар бұл өте жақсы олжа екенін айтты, себебі бұл жаңалық олар осы жермен үйірімен жүргенін білдіреді. Бұрын олар бір-бірінен оқшау жүрген деп болжанған.
Халықаралық экспедиция құрамына Қытай, Австралия, және АҚШ ғалымдары кірді.
Baq.kz