Қазақстандық жұлқа көтеруде 85 келіні, серпе көтеруде 105 келіні сәтті еңсерді. Жалпы нәтижесі – 190 кг. Бұл салмақта колумбиялық Ингрид Ванесса Сегура чемпион атанса, Венесуэла өкілі Кейли Сильва үздік үштікті түйіндеді (187 кг).

Қазір Қазақстан құрамасы 9 алтын, 3 күміс және 6 қола медальмен жалпы есепте көш бастап тұр. Барлығы Мексикадағы чемпионатта 22 ел жүлде жеңіп алды.

Айта кетейік, жоғарыдағы медаль есептеу кезінде жалпы нәтижемен қатар жұлқа және серпе көтеру жаттығуындағы жекелей жүлделер де есепке алынды.

Едіге Емберді 172 келі зілтемірді көтеріп, серпе көтеруде жасөспірімдер арасында әлем рекордын тіркеді.

Бұл Мексикадағы бәсекеде жаңарған бірінші рекорд.

Қазақ спортшысы жалпы есепте 306 киломен топ жарды. Өзбекстандық Диорбек Ирматов – күміс, канадалық Брайан Ибаньес – қола жүлдегер.