Германияда бір тонна еріген шоколад көшеге ағып кетті

Германияда фабрикалардың біріндегі өндіріс апаты салдарынан көшеде алып шоколад «плиткасы» пайда болды, деп хабарлайды Ria.ru. Верль атты неміс қаласында шоколад фабрикасындағы апат салдарынан бір тонна еріген тәтті өнім көшеге ағып кетті. PNP басылымының хабарлауынша, сұйық шоколадты сақтайтын резервуардан ақау шыққан екен. Кәсіпорын иелері осы аптада фабриканы қайта іске қосуға үміттеніп отыр. Оқиға орнына өрт сөндірушілер келіп, бірнеше сағат бойы көшедегі шоколадты күрекпен тазалаған екен.