ГРЕК-РИМ КҮРЕСІНЕН ТӨРТ САЛМАҚ БОЙЫНША ӘЛЕМ ЧЕМПИОНАТЫНЫҢ ЖЕРЕБЕСІ ТАРТЫЛАДЫ
14 қыркүйек күні Нұр-Сұлтан қаласында күрес түрлерінен лицензиялық әлем біріншілігі басталады. Әлемдік доданың алғашқы күні кілемге грек-рим күресінің өкілдері шығады деп хабарлайды Olympic.kz. Осы орайда, ертең, 13 қыркүйек күні төрт салмақ бойынша жеребе тартылады. Грек-рим күресінен 55, 63, 72 және 82 келідегі балуандардың алғашқы айналымдағы қарсыластары анықталмақ.
Қазақстан атынан 55 келіде Қорлан Жақанша, 63 келіде Алмат Кебіспаев, 72 келіде Демеу Жадыраев және 82 келіде Мақсат Ережепов сынға түсетінін естеріңізге саламыз.
