Ағылшын тілі мен грамматикасын үйренудің, сөз байлығын арттырудың жақсы жолы – шығармаларды өз тілінде оқу. Бұл тәсіл авторды, оның әдісі мен тілін түсінуге де көмек береді. Әрине, ұнатқан шығармаңызды ағылшын тілінде оқу оңай емес бірақ қызық. «Алиса ғажайыптар елінде» қаншама аударылмасын авторды бәрібір толық түсінбейміз. Міне, сол үшінде ағылшын тілін үйренушілерге кітаптар оқу үшін тегін сайттар тізімін ұсынамыз. «Free-ebooks.net». Бұл онлай кітапханада электрон кітаптар топтамасы жанрлар бойынша бөлінген. Кітаптан бөлек журналдар да бар. Пайдалану үшін тіркелуден өтсе оқу тегін. «FreeBookSpot» – 5000-нан артық электрон кітаптар топталған онлайн-ресурс. Барлығы тегін. 95 категорияға бөлінген. Әдеби кітаптардан бөлек бизнес туралы кітаптарды да таба аласыз. Оларды көшіріп алу тегін, тіркелуді қажет етпейді. «ManyBooks» – 33000-нан артық электрон кітаптар бар сайт. Кітаптар альвфит бойынша жайғастырылған. Кітаптарды компьютерде, «Kindle», «Nook», «iPad»-та оқу үшін форматталған. Негізгі ерекшелігі кейбір кітаптар 20 түрлі форматпен ұсынылған. «GetFreeEBooks» – бұл авторлар өз кітаптарын оқырмандарға ұсынатын орта. Миллионнан артық кітаптар бар және олар жыл сайын көбейіп жатыр. Көп кітаптар EPUB, MOBI, PDF, TXT форматтарында ұсынылған. «FreeComputerBooks» – бағдарлау мен математика бойынша кітаптардың үлкен топтамасы. Олардың арасынан дәрістер мен оқу қолданбаларын да табуға болады. «FreeTechBooks» – информатика, инженерия және бағдарлау бойынша тегін кітаптар сайты. «The Online Books Page» – интернеттегі 30 мыңнан артық тегін кітаптар сайты. «Baen Free Library» – ғылыми-фантастик романдар топтамасы. Онлайн оқу немесе көшіріп алуға да болады. «eBookLobby» – бұл сайттағы тегін электрон кітаптар түрлі жанрларға бөлінген: бизнес, өнер, білім беру... Керекті категорияны таңдап қалаған кітабыңызды көшіріп ала бересіз. «Project Gutenberg» – 75 мыңнан артық электрон кітаптар орналасқан. Іздеген кітабыңызды керекті форматта көшіріп алуыңызға болады. «Planet eBook» – әдеби шығармалар кітапханасы. Кітаптарды көшіріп алып оқуға болады. «e-Library» – кітапханада 91 категория бойынша 8 мыңнан артық кітап орналастырылған. Бұлардан 500-ден артығы тегін оқуға болатын кітаптар. «BookBoon» – студенттер мен саяхатшылар үшін PDF форматындағы кітаптар сайты. Тіркеуден өтуді талап етпейді. «Classicshorts.com» – жазушылардың көркем шағын әңгімелерін осы сайттан таба аласыз. Барлық шығармаларды онлайн тегін оқи аласыз.

Massaget.kz